تقسيم فريق صحبة خير لفريق عمل

السلام عليكم ورحمه الله وبركاته

الموضوع دا هيكون نتيجه للورق اللي الناس ملته يوم اليتيم

وهو اننا نقسم بعض الي فرق

كل فريق مسئول عن تنفيذ جزء معينه في اليوم اللي هقوم بيه

وهيكون كالاتي هكتب الفريق والهدف منه والناس اللي اختارو يكونو فيه
والناس الي مختارتش ممكن تختار فريق وتنضمله

وهيكون في شرح لكل فريق هتعامل ازاي مع بعضه وباقي الفريق
بحيث يكون في تخصصيه في الشغل ودا يزود طاقتنا في الشغل

اول فريق يكون الدعايا داخل وخارج الجامعات
ويستحسن يكون عن طريق اسر ودا للدعايا بشكل رسمي وهنتكلم فيه مع بدء النشاط

والفريق دا هيكون فيه

مريم ورضوي وايمي وخالد وائل درويش عبده فاروق

فريق الشراء
ودا مهمته الشراء والتحري عن الاسعار فيحاله القيام بشراء كميات زي الشنط والبطاطين واي مشتريات للحملات
رؤى واشجي ولنا الله

(لم يكتمل )

فريق المعارض

ودا يقوم بالتنسيق مع الدور اللي هنعمله فيها ولصالحها والتنسيق مع القائمين بالمعرض

رضوي وايمي ورؤى وعلي سعد و مريم ومصطفي كمال

فريق التنسيق مع جهات الانشطه

ودا يقوم بالاتفاق مع الدار او جهة النشاط وتحديد الفقرات حسب استطاعتنا ويكون في اتفاق عليه مسبق

مصطفي كمال ولنا الله

(لم يكتمل )

فريق متابعه مشروع الاسر

ودا يقوم بمتابعه المسئولين عن توصيل الرعايه الي الاسر

(لم يكتمل )

اللي فات كان تقسيم فرق المنتدي اثناء القيام بالحملات

ودي فرق المنتدي داخل المنتدي ويقوم بيها الي مش هيقدر يشارك زي اللي برا القاهره ومعاهم اللي يقدر من داخل القاهره

فريق خاص بالمنتدي

من تطوير وافكار وتصاميم

اشجي وسمسمه

فريق خاص بالموقع الاسلامي

محمد عبد الشافي سمسمه

(لم يكتمل )

فريق خاص بالجروب

رضوي وليلي فاروق ومشيره وسمسمه

وفي فكره انشاء جروب علي الفيس بوك

ودا عايز حد متمكن من الفيس بوك والسكيورتي والخصوصيه

عشان عن نفسي مش حابه لانه مفتوح علي بعضه
نقوم بعمل الجروب في حاله تحقيق الخصوصيه

ودا اقتراح محمد عبد الشافي
بانشاء مجموعه من الشباب للعمل داخل محافظته علي لاتي

1- توعيه الجميع باهميه التطوع
2- جمع ملابس
3- جمع تبرعات ودا بلاش منه يامحمد عشان انت عارف اول مبادئنا
4- عمل بحث اجتماعي للاسر اللتي تحتاج لرعايه ودخل شهري
ودا يامحمد عن نفسي موافق عليه وياريت تختار حاجه تانيه تضاف تكون اساسيه وقت الحملات

ودلوقت زي ما نتو شايفين في فرق محتاجه ناس معانا وفي فرق لسه مفيهاش حد
ياريت نكملها واللي مخترش يختار عشان نبداء التحرك
وباذن الله خلال يومين اكون جهزت خطه للناس تتحرك ازاي وقت الترتيب لزياره
وهنقسم جوه كل فريق قائد ليه
وفريق يكون اداري والفريق الاداي مش هيهندس بس ويقعد هيشتغل مع الناس كلها باذن الله

ربنا يجازيكو خير يامطاريد ويجعله في ميزان حسناتكو
ومننساش نجدد النيه لوجه الله تعالي
ونسال الله ان يتقبل منا ومنكم صالح الاعمال